Еўрапейская кінаакадэмія

Еўрапейская кінаакадэмія (англ.: European Film Academy, EFA) была заснавана ў 1988 годзе ў Берліне па ініцыятыве еўрапейскіх кінарэжысёраў для прасоўвання еўрапейскага кінематографа ў свеце. Акадэмія вядома сваёй штогадовай прэміяй.

Гісторыя

Інгмар Бергман, першы прэзідэнт EFA у 1988–96

У 1988 годзе акадэмію пад назвай Еўрапейскае кінематаграфічнае таварыства афіцыйна зарэгістраваў яго першы прэзідэнт, шведскі рэжысёр Інгмар Бергман разам з 40 кінавытворцамі з усёй Еўропы з мэтай садзейнічання ў прасоўванні еўрапейскага кінематаграфічнага мастацтва ва ўсім свеце і для падтрымкі інтарэсаў еўрапейскай кінавытворчасці. Першым старшынёй таварыства быў абраны Вім Вендэрс. Двума гадамі пазней Еўрапейскае кінематаграфічнае таварыства было перайменавана ў Еўрапейскую кінаакадэмію (англ.: European Film Academy, EFA), якая была зарэгістравана як некамерцыйная арганізацыя.

У 1996 годзе Інгмар Бергман перадаў прэзідэнцтва Віму Вендэрсу, а новым старшынёй стаў брытанскі прадзюсар Нік Паўэл. Бягучым старшынёй EFA з’яўляецца польскі кінарэжысёр і сцэнарыст Агнешка Холанд.

Рада

На 2017 год Еўрапейская кінаакадэмія мае наступны склад рады:

• Прэзідэнт: Вім Вендэрс
• Старшыня: Агнешка Холанд
• Намеснікі старшыні: ,
• Сябры рады: , Àngela Bosch Rius, , , , , Angeles Gonzáles-Sinde, , , , , , , , , Кшыштаф Занусі
• Ганаровыя сябры рады: Бен Кінгслі, Душан Макавееў, Іштван Сабо

Членства ў акадэміі паводле краін

Да сярэдзіны 1990-ых гадоў колькасць сяброў кінаакадэміі была фіксаваная і складала 99 чалавек. У 1996 годзе было прынята рашэнне адкрыць кінаакадэмію для большай колькасці ўдзельнікаў. Гэта прывяло да таго, што цягам наступных дзесяцігоддзяў колькасць кінаакадэмікаў пастаянна павялічвалася і ўрэшце дасягнула некалькіх тысяч. На 16 студзеня 2018 года сябрамі акадэміі з’яўляюцца 3339 чалавек. Гэта прадстаўнікі наступных краін:

Германія — 620 Італія — 267 Вялікабрытанія — 256 Іспанія — 205 Францыя — 188  Польшча — 163  Швейцарыя — 160 Данія — 143 Нідэрланды — 141 Швецыя — 125 Аўстрыя — 103 Бельгія — 82 Фінляндыя — 75 Грэцыя — 64 Ірландыя — 58 Чэхія — 56

Ізраіль — 55 Расія — 50 Нарвегія — 49 Венгрыя — 44 Ісландыя — 37 Румынія — 32 Харватыя — 32 Сербія — 32 Балгарыя — 31 Славенія — 27 Турцыя — 27 Косава — 22 Украіна — 21 Люксембург — 20 Боснія і Герцагавіна — 20 Літва — 19

Славакія — 19 Партугалія — 17 Эстонія — 16 Кіпр — 14 Латвія — 14 Паўночная Македонія — 8 Грузія — 7 Беларусь — 4 Мальта — 4 Албанія — 3 Палесціна — 2 Чарнагорыя — 2 Арменія — 2 Кыргызстан — 1 Канада — 1 Азербайджан — 1

Сябрамі акадэміі з’яўляюцца чацвёра прадстаўнікоў Беларусі: кінарэжысёры Віктар Аслюк і Віктар Дашук, актрыса і прадзюсар .

Еўрапейская кінапрэмія

Заходні тэатр у Берліне быў месцам правядзення першай Еўрапейскай кінапрэміі ў 1988 годзе

Статуэтка Еўрапейскай кінапрэміі

Штогадовая цырымонія ўзнагароджання Еўрапейскай кінапрэміяй (якая да 1996 года насіла назву «Фелікс») з’яўляецца галоўным мерапрыемствам, сярод тых, што праводзіць акадэмія. Цырымонія зазвычай адбываецца ў пачатку снежня ў адным з гарадоў Еўропы (часцей за ўсё ў Германіі). Першая цырымонія ўручэння прэміі сімвалічным чынам была праведзена ў Заходнім Берліне 26 лістапада 1988 года. Да ўдзелу дапускаюцца толькі еўрапейскія фільмы, рэжысёры і г.д.

Зноскі

1. The European Film Academy: History (англ.). Праверана 18 верасня 2017.
2. The European Film Academy: Staff and Structure (англ.)(недаступная спасылка). Архівавана з першакрыніцы 11 лютага 2016. Праверана 10 верасня 2017.
3. The European Film Academy: Members (англ.)(недаступная спасылка). Архівавана з першакрыніцы 15 верасня 2017. Праверана 16 студзеня 2018.
4. [CMD=perCountry The European Film Academy: Members] (англ.). Праверана 16 студзеня 2018.

Спасылкі

• Афіцыйны сайт Еўрапейскай кінаакадэміі (англ.). Праверана 18 верасня 2017.