Астравы Таварыства

Астравы Таварыства (фр.: Îles de la Société, таіц.: Tōtaiete mā) — архіпелаг у Ціхім акіяне. Уваходзіць у склад Французскай Палінезіі. Агульная плошча — 1590 км².

Астравы Таварыства
фр. Îles de la Société, таіц. Tōtaiete mā
Панарама вострава Мурэа
Характарыстыкі
Найбуйнейшы востраў	востраў Таіці
Агульная плошча	1 590 км²
Найвышэйшы пункт	2 241 м
Насельніцтва	227 807 чал. (2007)
Шчыльнасць насельніцтва	143,27 чал./км²
Размяшчэнне
17°32′ пд. ш. 149°50′ з. д.^HGЯO
Акваторыя	Ціхі акіян
Краіна	Французская Палінезія
Астравы Таварыства
Астравы Таварыства
Медыяфайлы на Вікісховішчы

Гісторыя

Астравы Таварыства былі населены палінезійцамі ў 1 тысячагоддзі н. э. У XVIII ст. яны пачалі даследавацца еўрапейскімі мараплаўцамі. Джэймс Кук, які наведаў у 1769 г. востраў Таіці з мэтай назірання за Венерай, а таксама адкрыў шэраг суседніх астравоў, надаў ім імя Таварыства ў гонар Каралеўскага Таварыства развіцця натуральных ведаў.

У кан. XVIII ст. на Таіці ўзнікла манархічная дзяржава. У 1842 г. быў абвешчаны французскі пратэктарат. У 1885 г. астравы ўвайшлі ў склад Французскай Палінезіі.

Геаграфія

Астравы падзяляюцца на Наветраныя і Падветраныя. Большасць мае вулканічнае паходжанне, даволі ўзгорыстая. Найвышэйшы пункт — гара Арахена на Таіці (2241 м). Узбярэжжа многіх астравоў атачаюць каралавыя рыфы.

Клімат трапічны вільготны. Сярэдняя тэмпература жніўня каля 24,4 °C, сакавіка 31,7 °C. У сярэднім бывае 4 — 10 дажджлівых дзён у месяц.

Спіс астравоў

Наветраныя астравы:

• Востраў Таіці
• Востраў Мурэа
• Востраў Маіаа
• Востраў Мехеціа
• Атол Тэціароа

Падветраныя астравы:

• Востраў Хуахінэ
• Востраў Раіатэа
• Востраў Тахаа
• Востраў Бора-Бора
• Атол Тупаі
• Атол Маўпіці
• Атол Маўпіхаа
• Атол Моту-Оне
• Атол Мануаэ

Спасылкі

• Society Islands даведнік на сайце Wikivoyage
• History of French Polynesia
• French Polynesia Climate
• The age and origin of the Pacific islands: a geological overview