Нявіша

Няві́ша — рака ў Беларусі, у Шчучынскім раёне Гродзенскай вобласці, левы прыток ракі Котра (басейн Нёмана).

Нявіша
Характарыстыка
Даўжыня	39 км
Басейн	328 км²
Расход вады	2,2 м³/с
Вадацёк
Выток
• Месцазнаходжанне	за 1,5 км на паўночны ўсход ад вёскі Мякішы
• Каардынаты	53°49′04″ пн. ш. 24°45′18″ у. д.^HGЯO
Вусце	Котра
• Месцазнаходжанне	за 2 км на ўсход ад вёскі Арлова Гара
• Каардынаты	53°49′00″ пн. ш. 24°23′35″ у. д.^HGЯO
Ухіл ракі	0,8 м/км
Размяшчэнне
Водная сістэма	Котра → Нёман
Краіна	Беларусь
Рэгіён	Гродзенская вобласць
Раён	Шчучынскі раён
выток вусце
— выток, — вусце
Медыяфайлы на Вікісховішчы

Даўжыня 39 км. Плошча вадазбору 328 км². Сярэдні нахіл воднай паверхні 0,8 ‰. Сярэднегадавы расход вады ў вусці каля 2,2 м³/с. Пачынаецца за 1,5 км на паўночны ўсход ад вёскі Мякішы, цячэ ў межах Лідскай раўніны, упадае ў Котру за 2 км на ўсход ад вёскі Арлова Гара. Асноўныя прытокі — Дунай, Навадворка (злева), Громчак, Пуціска (справа). Даліна ў верхнім цячэнні невыразная, ніжэй трапецападобная, шырынёй 500—600 м, у ніжнім цячэнні перасечаная старыцамі. Пойма двухбаковая, у ніжнім цячэнні пад хмызняком. Рэчышча на працягу 27 км ад вытоку каналізаванае, на астатнім працягу звілістае, шырынёй 5—10 м. Каля вёскі Кронькі створана сажалка (плошча 0,05 км²).

Зноскі

1. Агульная характарыстыка рачной сеткі Гродзенскай вобласці / Даведнік «Водныя аб’екты Рэспублікі Беларусь» Архівавана 23 верасня 2015.

Літаратура

• Блакітная кніга Беларусі : Энцыклапедыя / рэдкал.: Н. А. Дзісько і інш. — Мн.: БелЭн, 1994. — 415 с. — 10 000 экз. — ISBN 5-85700-133-1.
• Нявіша // Беларуская энцыклапедыя: У 18 т. Т. 11: Мугір — Паліклініка / Рэдкал.: Г. П. Пашкоў і інш. — Мн. : БелЭн, 2000. — Т. 11. — 560 с. — 10 000 экз. — ISBN 985-11-0035-8. — ISBN 985-11-0188-5 (т. 11). — С. 404—405.