Сцяг Манака мае прапорцыі 4 5 Уяўляе сабой палотнішча з двума роўнавялікімі палосамі размешчанымі гарызантальна Зверху п

Сцяг Манака мае прапорцыі: 4:5. Уяўляе сабой палотнішча з двума роўнавялікімі палосамі, размешчанымі гарызантальна. Зверху — паласа чырвонага колеру, знізу — белага.

Гісторыя

Прыняты ў 1881 годзе. Колеры сцягу звязаныя з колерамі княжацкага роду , прадстаўнікі якога кіруюць княствам з эпохі сярэднявечча. Манакскія сцягі чырвоных і белых гербавых колераў вядомыя з 1339 года. У XIV—XVIII стагоддзях яны ўяўлялі сабой палотнішча з чырвоных і белых ромбаў альбо былі белымі з поўным гербам у цэнтры. Апошні сцяг афіцыйна лічыцца ўрадавым, хоць вывешваецца рэдка. У канцы XVIII стагоддзя Манака было далучана да Францыі, але ў 1814 годзе пасля падзення Напалеона кіраванне дынастыі Грымальдзі ў Манака было адноўлена. Тады ж з’явіўся і цяперашні манакскі сцяг, які атрымаў малюнак у выглядзе двух гарызантальных палос чырвонага і белага колераў. Афіцыйна ён зацверджаны толькі ў 1881 годзе. Падабенства сцягоў Манака і Інданезіі паслужыла падставай для дыпламатычнага канфлікту. Калі ўраду Манака стала вядома, што Інданезійская Рэспубліка ў 1945 годзе прыняла такі ж, як у Манака, сцяг, ён заявіў афіцыйны пратэст. Аднак пратэст быў адхілены на той падставе, што сцяг Інданезіі па паходжанні з’яўляецца яшчэ больш старажытным, чым сцяг Манака.

Падобныя сцягі

Сцяг Інданезіі
Сцяг Сінгапура
Сцяг Польшчы
Сцяг Багеміі
Сцяг Верхняй Аўстрыі

Спасылкі

На Вікісховішчы ёсць медыяфайлы па тэме Сцяг Манака