Міністэрства інфармацыі Рэспублікі Беларусь

Міністэрства інфармацыі Рэспублікі Беларусь (Мінінфарм Беларусі) — ведамства ўраду Беларусі, упаўнаважанае кіраваць СМІ. Міністра інфармацыі прызначае і здымае з пасады прэзідэнт. З 13 чэрвеня 2024 года пасаду міністра займае Марат Сяргеевіч Маркаў.

Міністэрства інфармацыі Рэспублікі Беларусь
Абрэвіятура	МІ РБ
Краіна	Беларусь
Адрас	Мінск, пр. Пераможцаў, д. 11
Тып арганізацыі	міністэрства інфармацыі^[d]
Кіраўнікі
Міністр	Марат Маркаў
Першы намеснік	Андрэй Кунцэвіч
Заснаванне
Дата заснавання	10 студзеня 1992
Бюджэт	30 735 мільёнаў рублёў (2010 год; 10 267 тысяч $)
Папярэднік	Дзяржаўны камітэт па друку
mininform.gov.by

Гісторыя

Паводле пастановы Вярхоўнага Савета ад 10 студзеня 1992 года № 1389 з Дзяржаўных камітэтаў па друку, па тэлебачанні і па радыёвяшчанні было ўтворана Міністэрства інфармацыі. Пастановай ад 14 сакавіка 1994 года № 145 урад далучыў Мінінфарм да Міністэрства культуры і друку. Міністэрства было адноўлена ўказам прэзідэнта ад 24 верасня 2001 года № 516.

Структура

• Апарат — 7 упраўленняў, 3 аддзелы;
• Нацыянальная кніжная палата Беларусі;
• Выдавецтвы — «Беларуская энцыклапедыя імя Петруся Броўкі», «Беларусь», «Вышэйшая школа» (да 2023), «Мастацкая літаратура»;
• Тыпаграфіі — , , паліграфкамбінат імя Якуба Коласа, «» Маладзечна, Мінская вобласць), «» (Полацк, Віцебская вобласць), «Чырвоная зорка»;
• Прадпрыемствы — «Беларускае тэлеграфнае агенцтва», «Белкніга», «Белсаюздрук»;
• Газеты — «Звязда», «Народная газета», «Рэспубліка», «».

Задачы

• кантроль над вяшчання, кнігавыдання, паліграфіі і кнігараспаўсюджванню;
• нагляд за выкананнем выдавецкімі, паліграфічнымі і кнігазбытавымі ўстановамі заканадаўства аб вяшчанні;
• павышэнне выніковасці вяшчання, кнігавыдання, паліграфіі і кнігараспаўсюджванню
• урадавы ўплыў на ўзровень свабоды выказвання сярод грамадзян;
• узгадненне парадкавання з адпаведнымі ведамствамі Расіі, СНД і Еўразійскай эканамічнай супольнасці;
• наладжванне міжнароднага вяшчальнага супрацоўніцтва;
• стварэнне прававых абмежаванняў вяшчальнай і выдавецкай дзейнасці;
• распрацоўка захадаў па кіраванні вяшчаннем, кнігавыданнем, паліграфіяй і кнігараспаўсюджваннем;
• распрацоўка і ажыццяўленне ўрадавых укладанняў у вяшчанне, кнігавыданне, паліграфію і кнігараспаўсюджванне.

Паўнамоцтвы

• ухваленне заяў пра вяшчанне, кнігавыданне, паліграфію і кнігараспаўсюд;
• запыт звестак ва ўстановах;
• атрыманне абавязковых бясплатных асобнікаў дакументаў;
• прыпыненне выпуску СМІ;
• стварэнне ведамасных фондаў.

Кіраўнікі

• Анатоль Бутэвіч (1992—1994 — як міністр інфармацыі, 1994—1996 — як міністр культуры і друку)
• Міхаіл Падгайны (1997—2001 — як старшыня Дзяржаўнага камітэта па друку; 2001—2003 — як міністр інфармацыі)
• Уладзімір Русакевіч (2003—2009)
• Алег Праляскоўскі (2009—2014)
• Лілія Ананіч (2014—2017)
• Алесь Карлюкевіч (2017—2020)
• Ігар Луцкі (2020—2021)
• Уладзімір Пярцоў (2021—2024)
• Марат Сяргеевіч Маркаў (з 13 чэрвеня 2024)

Зноскі

1. Закон Рэспублікі Беларусь аб рэспубліканскім каштарысе на 2010 год (руск.)(недаступная спасылка). Нацыянальны прававы інтэрнэт-партал Рэспублікі Беларусь (16 сакавіка 2011). Архівавана з першакрыніцы 16 лютага 2011. Праверана 3 сакавіка 2012.
2. Звесткі аб сярэднеўзважаным курсе беларускага рубля да замежных валютаў на валютным рынку Рэспублікі Беларусь за 2010 год (нявызн.). Нацыянальны банк Рэспублікі Беларусь (7 красавіка 2011).
3. Указ прэзідэнта Рэспублікі Беларусь ад 24 верасня 2001 г. № 516 (руск.)(недаступная спасылка). Прэс-служба прэзідэнта Рэспублікі Беларусь (15 мая 2011). Архівавана з першакрыніцы 28 жніўня 2013. Праверана 3 сакавіка 2012.
4. Постановление Совета Министров Республики Беларусь от 26 октября 2001 года № 1545 «Об утверждении Положения о Министерстве информации Республики Беларусь» Архівавана 20 снежня 2020.
5. Луцкі назначаны намеснікам кіраўніка Адміністрацыі Прэзідэнта Архівавана 17 красавіка 2021.

Спасылкі

• Міністэрства інфармацыі Беларусі Архівавана 26 лютага 2012. (руск.)